Komo un 'verwijzer', bo ta forma un parti importante den e kadena di kuido. Huntu ku bo kliente bo ta determiná si un referensia ta nesesario. Bo por mèldu kliente pa diagnóstiko, tratamentu i guia, i den kasonan agudo tambe pa atmishon di krísis.
Pa un tratamentu kubrí pa seguro, mester di un referensia ofisial di dòkter di kas. Otro profeshonal manera dòkter di mucha òf sikólogonan den kuido hubenil tambe por kontribuí na un referensia den deliberashon ku e dòkter di kas.
Klientenan i/òf nan mayor/kuidadó por mèldu direktamente tambe sin verwijzing, solamente e or'ei gastunan ta bai pa propio kuenta. Tuma kontakto ku nos pa mas informashon tokante tarifanan privá.
Den kaso di ‘spoed’ durante djaluna pa djabièrnè entre 8'or i 16:30, por fabor tuma kontakto ku e sikiaternan di mucha i hóben di Yudaboyu. Si bo no tin e number dirèkt, por fabor yama e number general di Klinika Capriles i indiká ku bo ta un dòkter di kas ku un referensia di urgensia.
Pafó di e oranan di ofisina por tuma kontakto via e number general +5999 737 4700. Lo referí bo mésora pa e dòkter na warda.
Tuma nota: Den kaso di spoed semper tuma kontakto ku e spoeddienst/dòkter na warda pa deliberá e kaso, promé ku manda e kliente klínika.