Bo dòkter di kas por referí bo na Yudaboyu, i kiko awó?
Pa bo promé bishita na Yudaboyu, bo mester di un ‘verwijsbrief’ di bo dòkter di kas. Si bo ta segurá via SVB, bo dòkter di kas tin ku manda esaki via Zorgportaal.
Bo promé kontakto ku Yudaboyu ta konsistí di un kòmbersashon na momentu ku bo registrá. Den e kòmbersashon aki ta tuma bo informashonnan di kontakto.
Ta eksigí e siguiente dokumentonan:
Si a base di e kòmbersashon durante registrashon tin indikashon pa mas investigashon i òf tratamentu, abo huntu ku bo yu lo haña un intake ku un kolaboradó di Yudaboyu. Registrashon por digital via yudaboyu@ggz.cw.
Pa registrashon personal bo por pasa na Mohikanenweg 8.
Djamars i djaweps, di 8’or pa 10'or di mainta.
Pa kasonan urgente bo por akudí semper na bo dòkter di kas.
Durante intake ta skucha di bo i bo yu ki keho i/òf preokupashon boso ta eksperensiando. Huntu nos ta purba haña un bista kon e yu ta funshoná na kas, skol òf den su tempu liber. Parti di e intake ta repasá e lista di preguntanan tokante su desaroyo ku abo i bo yu a yena.
Dependiendo di e informashon risibí durante intake, ta traha un plan ku bo i e yu, ku por konsistí di un proseso di diagnóstiko, tratamentu, i/òf sosten di famia i ambiente (p.e. skol). Kada situashon ta rekerí un plan di maneho diferente.
Proseso diagnóstiko
Tin ora ta rekomendabel pa hasi un investigashon sikológiko òf neurosikológiko pa por komprendé mas mihó kon e yu ta funshoná i aklará su diagnóstiko. Esaki por pasa promé òf durante tratamentu. Tambe tin ora nos mester di mas informashon pa spesifiká e tratamentu nesesario. Na e momento aki nos ta hasi uso di kuestionarionan, bishita na skol, i bishita na kas.
E profeshonal ta deliberá ku bo i bo yu kiko e tratamentu lo enserá. Nos ta registrá e palabrashonnan di e tratamentu i metanan di e tratamentu den un plan di tratamentu. Nos ta ofresé tambe tratamentu den grupo òf tratamentu di famia. Si ta nesesario nos ta hasi intervenshon di krísis.
Pa situashonan ku ta rekeri tratamentu mas intensivo nos tin nos tratamentu di Deeltijd. Si e profeshonal ta sinti ku esaki ta nesesario, e lo referí e yu pa e kuido aki.
Pa kasonan kaminda mester di guia 24/7 pa mantené un hóben safe, nos por hospitalisá e hóben den nos unidat di atmishon.
Durante e tratamentu ta kòmbersá tokante desaroyo. E profeshonal ku ta trata bo kaso ta deliberá ku bo i bo yu si e palabrashon i metanan ku a traha ta vigente ainda i òf si ta nesesario ahustá esakinan. Si tin kambio ta registrá e palabrashonnan nobo den e plan di tratamentu.
Despues di e kantidat di seshon di tratamentu ku a palabrá, ta sigui un evaluashon. Durante esaki lo analisá huntu ku bo i e yu si a realisá e metanan. For di e evaluashon aki por resultá lo siguiente: